ट्रॅव्हल इन्श्युरन्स करिता थायलँड

• आमची पॉलिसी खरेदी करण्यासाठी येथे क्लिक करा लिंक, किंवा एचडीएफसी एर्गो ट्रॅव्हल इन्श्युरन्स वेबपेजला भेट द्या.

• प्रवाशाचा तपशील, डेस्टिनेशनची माहिती आणि ट्रिपची प्रारंभ आणि समाप्ती तारीख टाईप करा.

• आमच्या तीन तयार पर्यायांमधून तुमचा प्राधान्यित प्लॅन निवडा.

• तुमचे वैयक्तिक तपशील प्रदान करा.

• प्रवाशांविषयी अतिरिक्त तपशील भरा आणि ऑनलाईन पेमेंट पद्धती वापरून पेमेंट करण्यासाठी पुढे सुरू ठेवा.

• आता केवळ करायचे शिल्लक म्हणजे- तुमची पॉलिसी त्वरित डाउनलोड करा!

थायलंडला भेट देण्याची सर्वोत्तम वेळ मुख्यत्वे तुम्ही पाहू इच्छित असलेल्या प्रदेशावर अवलंबून आहे. साधारणपणे, नोव्हेंबर ते फेब्रुवारी हा प्रमुख हंगाम असतो. ज्याचे वैशिष्ट्य थंड तापमान आणि कमीत कमी पर्जन्यमान असते. ज्यामुळे फुकेत, बँकॉक आणि चियांग माई सारख्या भागात प्रेक्षणीय स्थळे पाहण्यासाठी आणि समुद्रकिना-यावर आराम करण्यासाठी ते अनुकूल ठरते. ही अशी वेळ आहे जेव्हा हवामान आल्हाददायक असते, त्यामुळे तुम्ही मैदानी उपक्रमांचा आनंद घेऊ शकता आणि लॉय क्रथोंग सारख्या सांस्कृतिक उत्सवांत सामील होऊ शकता.

किमान खर्च आणि कमी गर्दी अपेक्षित असणाऱ्या प्रवाश्यांसाठी मार्च ते जून हे महिना हा सर्वोत्तम संधीचा ठरतो. विशेषत: मध्य आणि उत्तर थायलंड अनुकूल आहे. तथापि, उच्च तापमान आणि अवकाळी पावसासाठी देखील सज्ज राहा.

जुलै ते ऑक्टोबर या मान्सूनच्या हंगामात विशेषतः पश्चिम किनाऱ्यावर पावसाचे प्रमाण वाढते. तरीही कोह सामुई सारख्या भागात या काळात हवामान शुष्क स्वरुपाचे असते. सीझनचा विचार न करता थायलंडसाठी ट्रॅव्हल इन्श्युरन्स महत्त्वाचा असला तरी, उघडीप असलेल्या महिन्यांत भेटीचे नियोजन केल्याने एकूण अनुभव वाढू शकतो आणि संभाव्य हवामानाशी संबंधित व्यत्यय कमी होऊ शकतो.

जपानला भेट देण्यापूर्वी सर्वोत्तम वेळ, हवामान, तापमान आणि इतर घटकांविषयी अधिक जाणून घेण्यासाठी. जपानला भेट देण्याची सर्वोत्तम वेळ याविषयीचा आमचा ब्लॉग नक्की वाचा.

• पावसाळ्यात समुद्रकिनाऱ्यांवरील धोकादायक लाटांसारख्या नैसर्गिक धोक्यांपासून सावध रहा. चेतावणी चिन्हे आणि मार्गदर्शक तत्त्वांचे पालन करा.

• डासांपासून बचाव करण्यासाठी मॉस्किटो रिपेलेंट वापरा आणि आवश्यक असल्यास. काही प्रदेशांमध्ये मलेरियाविरोधी औषध घ्या. प्रवासापूर्वी वैद्यकीय सल्ला घ्या.

• थायलँड ट्रिपसाठी कॉम्प्रिहेन्सिव्ह ट्रॅव्हल इन्श्युरन्स मिळवा. ज्यामध्ये वैद्यकीय आपत्कालीन परिस्थिती आणि अनपेक्षित घटना कव्हर केल्या जातात. चिंता-मुक्त ट्रिपची सुनिश्चिती होते.

• घोटाळेबाज आणि पर्यटकांना फसवण्याचा प्रयत्न करणाऱ्या व्यक्तींपासून सावध रहा. एखादी व्यक्ती खूप मैत्रीपूर्ण वर्तन करत असल्यास सावध व्हा, विशेषत: कोणीतरी जो तुम्हाला कोणत्याही कारणाशिवाय सल्ला देतो किंवा एखादी डील ऑफर करतो जी आवश्यकतेपेक्षा अधिक आकर्षक वाटते.

• रस्ता ओलांडताना ट्रॅफिक बाबत दक्ष राहा. थायलंडमधील ट्रॅफिक गोंधळाची असू शकते ; पादचारी क्रॉसिंगचा वापर करा आणि दोन्ही बाजूंनी पाहा.

• बाटलीबंद पाणी प्या आणि रस्त्याच्या कडील अन्नपदार्थ खाणे टाळा. शिजवलेले अन्न खा आणि ती फळे घ्या जी तुम्ही सोलून खाऊ शकता जेणेकरून खाद्य पदार्थांमुळे होणारे आजार टाळता येतील.

• मंदिराच्या भेटीवेळी, तुम्ही स्थानिक नियमांचे पालन करावे. योग्यपद्धतीने ड्रेस परिधान करा, धार्मिक स्थळाला भेटीवेळी तुमची पादत्राणे बाहेर काढण्यास विसरु नका, प्रेमाचे सार्वजनिक प्रदर्शन टाळा.

• थाई राजेशाहीबद्दल अत्यंत आदर बाळगा ; कोणत्याही प्रकारचा अनादर टाळा. कारण थायलंडमध्ये हा एक गंभीर गुन्हा आहे.

• पर्यटन क्षेत्रातील जेट स्की घोटाळ्यांपासून सावध रहा, यासाठी तुमचा भाडे करार काळजीपूर्वक तपासा आणि वापरण्यापूर्वी फोटो घ्या.

• सॉन्गक्रान उत्सवादरम्यान खबरदारी घ्या ; पाण्याच्या लढाईचा हा आनंददायी उत्सव असला तरी मौज करताना अपघात घडू शकतात.

कोविड-19 विशिष्ट मार्गदर्शक तत्त्वे

• तुमच्या स्वतःच्या आरोग्यासाठी आणि सुरक्षेसाठी सार्वजनिक क्षेत्रात चेहऱ्यावर मास्क लावा.

• वर्दळीच्या ठिकाणी सुरक्षित अंतर ठेवा.

• वैयक्तिक स्वच्छता बाळगा.

• थायलंडमध्ये कोविड-19 संबंधित स्थानिक नियम आणि मार्गदर्शक तत्त्वांचे पालन करा.

• जर तुम्हाला कोविड-19 ची लक्षणे आढळली तर स्थानिक अधिकाऱ्यांना सूचित करा आणि सहकार्य करा.

• थायलंडमधील अनेक मंदिरांनी निश्चित प्रवेश शुल्काच्या ऐवजी देणग्यांची शिफारस केली आहे. तुमच्या साधनांमध्ये योगदान देताना ही पूजा ठिकाणे पाहा.

• शहरात प्रवास करण्यासाठी सॉन्गथ्यू किंवा ओपन-एअर ट्रकमध्ये शेअरिंग करणे निवडा. ते केवळ किफायतशीर नसून स्थानिक अनुभव देखील देतात, विशेषत: कमी अंतरासाठी.

• करन्सी एक्स्चेंज फी टाळण्यासाठी ट्रान्झॅक्शन साठी थाई बाहत वापरा. अनेक विक्रेते कॅश पेमेंटला प्राधान्य देतात. त्यामुळे स्थानिक करन्सी सोबत असल्याने कधीकधी चांगल्या डील्स मिळू शकतात.

• सार्वजनिक ठिकाणी अधूनमधून होणारे स्ट्रीट परफॉर्मन्स किंवा सांस्कृतिक कार्यक्रमांना उपस्थित राहून मोफत मनोरंजनाचा आनंद घ्या. खर्च न करता थाई संस्कृती सोबत अनुरुप होण्याचा हा निश्चितच सर्वोत्तम मार्ग आहे.

• ग्रामीण भागात समुदाय-आधारित निवासस्थान किंवा होमस्टेमध्ये राहण्याचा विचार करा. हे केवळ स्थानिक व्यक्तींना पाठबळ देत नाही. तर माफक दरांत अद्वितीय सांस्कृतिक अनुभव देखील प्रदान करतात.

• अद्याप लोकप्रिय नसलेली प्रवासाची ठिकाणे किंवा अनोखे मार्ग शोधा, हे केवळ तुम्हाला अभूतपूर्व अनुभव देणार नाहीत, तर पर्यटकांच्या कमी संख्येमुळे त्यांना जास्त किंमतही लागणार नाही. इतकेच काय, तुम्हाला कमी किमतीत सर्व्हिस आणि निवास मिळेल.

• थायलंडमध्ये अनेकदा आयोजित केलेल्या स्थानिक कार्यक्रमांमध्ये किंवा उत्सवांमध्ये सहभागी व्हा. यापैकी बहुतांश उत्सवात प्रवेश मोफत आहे आणि त्यामधून देशाच्या समृद्ध परंपरेचे दर्शन घडते.

• अर्ली-बर्ड डिस्काउंट किंवा प्रमोशनचा लाभ घेण्यासाठी उपक्रम, विमाने किंवा निवास आधीच बुक करा. अनपेक्षित खर्च कव्हर करण्यासाठी थायलंडसाठी कॉम्प्रिहेन्सिव्ह ट्रॅव्हल इन्श्युरन्स सुनिश्चित करताना सर्वोत्तम डील्स मिळविण्यासाठी ऑनलाईन किंमतीची तुलना करा.

• थायलंड पाससह आकर्षणांसाठी सवलतीच्या प्रवेश शुल्काचा आनंद घ्या किंवा पार्टनर संस्थांमध्ये विशेष ऑफर मिळवा.

• मंदिरे, उद्याने आणि सांस्कृतिक स्थळे यासारख्या विनामूल्य आकर्षणांचा आनंद घ्या. हायकिंग सारख्या विनामूल्य उपक्रमांमध्ये भाग घ्या किंवा अनोख्या अनुभवासाठी स्थानिक मार्केटला भेट द्या.

• बँकॉकच्या चतुचक मार्केट किंवा चियांग माईच्या नाईट बझारमध्ये तुम्ही किती चांगल्या वाटाघाटी करू शकता ते दाखवा. स्मृतीचिन्हे, कपडे आणि स्थानिक शिल्पांसाठी किंमतीच्या वाटाघाटी करा.

• स्थानिक वाहतूक साधन निवडा, जसे की टुकटुक, सॉन्गथ्यू (शेअर टॅक्सी) किंवा खाजगी टॅक्सीऐवजी सार्वजनिक बस वापरा, जेणेकरून तुमचा प्रवास किफायतशीर होईल. तसेच, तुम्ही त्या घेण्यापूर्वी किमतीच्या वाटाघाटी करा.

• मंदिरे किंवा धार्मिक स्थळांच्या भेटीवेळी योग्य पद्धतीने ड्रेस परिधान करा. पारदर्शक कपडे परिधान करणे टाळा ; स्थानिक आचार नियम आणि धार्मिक भावनांचा आदर म्हणून पूर्ण शरीरभर कपडे परिधान करा.

• थाई राजेशाहीबद्दल कोणत्याही प्रकारचा अनादर टाळा. राजघराण्याबद्दल टीका किंवा अपमानास्पद टिप्पणी बेकायदेशीर आहे आणि कारावासासह गंभीर परिणाम होऊ शकतात.

• अनेक घरे, मंदिरे किंवा काही दुकानांमध्ये प्रवेश करण्यापूर्वी तुमचे बूट बाहेर ठेवण्याची प्रथा आहे. इतर असे करत आहेत का ते पहा आणि सभ्यता आणि सांस्कृतिक जागरूकता प्रदर्शित करण्यासाठी त्याचे अनुसरण करा.

• बुद्ध प्रतिमा आणि कलाकृतींप्रती आदरभाव व्यक्त करा. त्यांना स्पर्श करणे किंवा त्यांच्या जवळ अयोग्य पोज देणे टाळा. कारण हे अनादर मानले जाते.

• पारंपारिक थाई अभिवादनाला "वाई" असे म्हणतात, यासाठी तुमचे दोन्ही हात जोडा, जसे तुम्ही प्रार्थनेसाठी जोडता आणि किंचित वाका. आदर दर्शविण्यासाठी ही मुद्रा स्वीकारा, विशेषत: जेव्हा तुम्ही वडीलधाऱ्या व्यक्तींना भेटत असाल किंवा औपचारिक व्यवहार करत असाल.

• तावीज किंवा जंतर यासारख्या पवित्र वस्तूंबाबत सावधगिरी बाळगा ; जोपर्यंत तुम्हाला असे करण्यास आमंत्रित केले जात नाही तोपर्यंत त्यांना स्पर्श करणे किंवा त्यावर टिप्पणी करणे टाळा.

• स्नेहाचे सार्वजनिक प्रदर्शन टाळा, विशेषतः पुराणमतवादी भागात. काही पर्यटन स्थळांमध्ये हे मान्य असले तरी, स्थानिक लोकांना त्रास होऊ शकतो म्हणून स्वत:वर संयम ठेवणे चांगले.

• ड्रग्ज संबंधित थायलंडचे कायदे अतिशय कडक आहेत. ड्रग्ज बाळगणे किंवा तस्करी केल्याबद्दल दोषी आढळलेल्यांना दीर्घ तुरुंगवास किंवा मृत्युदंडासह कठोर शिक्षा होऊ शकते.