మీ ఇంటి కోసం ల్యాండ్‌స్లైడ్ ఇన్సూరెన్స్ కవరేజ్

కొండచరియలు విరిగిపడడానికి కారణాలు

గురుత్వాకర్షణ కారణంగా, కొండచరియలు విరిగినప్పుడు అవి మొత్తంగా లేదా వాటి శిధిలాలు వాలుగా ఉండే ప్రదేశంలో జారిపడుతాయి. అనేక కారణాలతో కొండచరియలు విరిగిపడవచ్చు, మరియు ఆ కారణంగా, ఆ ప్రదేశం చివరకు అస్థిరంగా మారడంతో పాటు అక్కడున్న ఆస్తులు ధ్వంసమవుతాయి. గతంలో, అనేక కారణాలతో తీవ్రమైన మరియు ప్రమాదకరమైన రీతిలో కొండచరియలు విరిగిపడిన ఘటనలు భారతదేశంలో నమోదయ్యాయి. ఉత్తర భారతంలోని హిమాలయాల ప్రాంతం మరియు ఈశాన్య భాగంతో పాటు పశ్చిమ కనుమలు మరియు తూర్పు కనుమల్లోని కొన్ని ప్రదేశాల్లో కొండచరియలు విరిగిపడే అవకాశం ఎక్కువగా ఉంది. కొండచరియలు విరిగిపడడానికి కారణమయ్యే కొన్ని అంశాలు క్రింద ఇవ్వబడ్డాయి:

• భూకంపాలు - భూకంపాలు మరియు ఇతర కారణాలతో కొండచరియలు విరిగిపడవచ్చు. భూకంపం కారణంగా, పర్వతాల ప్రదేశం కదులుతుంది మరియు భూకంప తీవ్రత పెరిగే కొద్దీ కొండచరియలు విరిగిపడే అవకాశం పెరుగుతూనే ఉంటుంది. 2015లో, నేపాల్‌లో సంభవించిన భూకంపం కారణంగా, దాదాపు 10,000 ప్రదేశాల్లో కొండచరియలు విరిగిపడిన కారణంగా అనేక మౌలికసదుపాయాలు మరియు ఆస్తులు దెబ్బతిన్నాయి.


• భారీ వర్షాల కారణంగా వచ్చే వరదలు - భారీ వర్షాల కారణంగా, భూమి మీద మట్టి వదులుగా మరియు ఎక్కువ తేమగా మారుతుంది. ఈకారణంగా, ఇది బురద ప్రవాహానికి దారితీస్తుంది. అంటే, బురద మట్టి నదిలాగా పారడం వల్ల ఆ ప్రదేశంలో కొండచరియలు విరిగిపడే పరిస్థితికి దారితీస్తుంది.


• వాతావరణ మార్పు కారణంగా వరదలు : గ్లోబల్ వార్మింగ్ ప్రేరేపిత వాతావరణ మార్పు కారణంగా, సాధారణ సగటు ఉష్ణోగ్రతలు పెరిగే అవకాశం ఉంది. ఈ కారణంగా, పర్వతాల మీద ఉండే మంచు ఖండాలు వేగంగా కరిగిపోతాయి. దీంతో, అక్కడ అకస్మాత్తుగా ప్రవాహం పెరగడం వల్ల నదులకు వరదలు సంభవిస్తాయి. తద్వారా, భూచరియలు విరిగిపడుతాయి.


• విపరీతంగా మేయడం మరియు పర్వతాల మీద భూమిని అధికంగా ఉపయోగించడం: అతిగా మేపడం, రోడ్ల నిర్మాణం, అత్యధిక స్థాయిలో మైనింగ్ మరియు ఇతర నిర్మాణ పనుల కారణంగా మట్టి వదులుగా కావడంతో పాటు ఆ ప్రదేశం పూర్తిగా అస్థిరంగా మారడం వల్ల కొండచరియలు విరిగిపడే పరిస్థితి ఏర్పడుతుంది


• అడవులు తగలబడడం: అడవులు తగలబడినప్పుడు చెట్లు కాలి బూడిదవుతాయి. దాంతో, ఆ చెట్లు పట్టి ఉంచిన మట్టి వదులుగా మారుతుంది. దాంతో, ఆ ప్రదేశంలో కొండచరియలు విరిగిపడే ప్రమాదం ఏర్పడుతుంది.