మీ ఇంటి కోసం లైటింగ్ ఇన్సూరెన్స్ కవరేజ్

ఒక ఇంటిని కొనుగోలు చేయడమనేది మీరు మీ జీవితకాలంలో వెచ్చించే ఒక అత్యంత ముఖ్యమైన మరియు ఖరీదైన పెట్టుబడిగా ఉంటుంది. కాబట్టి, అలాంటి ఇంటిని పిడుగుపాటు, భూకంపం మొదలైన ప్రకృతి వైపరీత్యాల నుండి రక్షించుకోవడం చాలా ముఖ్యం. ప్రకృతి వైపరీత్యాలు సంభవించే ముందు చాలా అరుదుగా మాత్రమే హెచ్చరిక సంకేతాలు కనిపిస్తాయి. ప్రత్యేకించి, పిడుగుపాటు కారణంగా, మీ ఆస్తికి తీవ్రమైన ప్రమాదం పొంచి ఉంటుంది. పిడుగుపాటు కారణంగా అగ్నిప్రమాదం, వైరింగ్‌కు నష్టం, షార్ట్ సర్క్యూట్‌లు మరియు ఎలక్ట్రికల్ ఉపకరణాలు ధ్వంసం కావడం లాంటి ప్రమాదాలు ఉండడమే ఇందుకు కారణం. దీనికారణంగా, విద్యుత్ సరఫరాలో అంతరాయాలు కూడా కలగవచ్చు. ఫిట్టింగ్స్, ఫర్నిచర్, గృహోపకరణాలు మరియు ఇతర వస్తువులు లాంటి మీ వ్యక్తిగత వస్తువులు కూడా దెబ్బతింటాయి. కొన్ని సందర్భాల్లో, పిడుగుపాటు కారణంగా ఇల్లు మొత్తం ధ్వంసమైతే, దానిని పునర్నిర్మించాల్సి రావచ్చు. మరియు, అది మీకొక పెద్ద ఆర్థిక మరియు మానసిక సమస్యగా మారవచ్చు.

నిజానికి, అలాంటి ప్రకృతి విపత్తులను నియంత్రించడానికి లేదా నివారించడానికి మీరు చేయగలిగింది ఏమీ లేనప్పటికీ, పిడుగుపాటు కవరేజీతో మీరొక సమగ్రమైన హోమ్ ఇన్సూరెన్స్ కొనుగోలు చేయవచ్చు. పిడుగుపాటు కారణంగా జరిగిన నష్టాలకు కవరేజీ అనేది ఇంటి నిర్మాణానికి జరిగిన నష్టాలను కవర్ చేయడమే కాకుండా, ఫిక్సర్‌లు మరియు ఫిట్టింగ్‌లు, ఎలక్ట్రికల్ ఉపకరణాలు మరియు ఇతర వస్తువులు లాంటి మీ వ్యక్తిగత వస్తువులకు జరిగే నష్టాలను కూడా కవర్ చేస్తుంది. పిడుగుపాటు కోసం కవరేజీ అనేది ప్రత్యేక పాలసీ రూపంలో అందుబాటులో లేకపోయినప్పటికీ, దానిని మీరు మీ హోమ్ ఇన్సూరెన్స్ ప్లాన్‌లలో భాగం చేసుకోవచ్చు.