સીનિયર સિટીઝન હેલ્થ ઇન્શ્યોરન્સ

એક એવા પ્લાન વિશે તપાસ કરો, જે તમારા ખિસ્સા પર બોજારૂપ ના બને અને તમારી અન્ય નાણાંકીય જવાબદારીઓને ખલેલ પહોંચાડ્યા વિના વ્યાપક કવરેજ પ્રદાન કરે. વરિષ્ઠ નાગરિકો માટેની મોટાભાગની હેલ્થ ઇન્શ્યોરન્સ પૉલિસીઓ એવી રીતે ડિઝાઇન કરવામાં આવી હોય છે કે વરિષ્ઠ વ્યક્તિઓ કોઈપણ નાણાંકીય તણાવનો સામનો કર્યા વિના તેને પસંદ કરી શકે. જો તમે રાઇડર અથવા ઍડ-ઑન પસંદ કરી રહ્યા હોવ, તો પ્રીમિયમ વધી શકે છે. તમારે જે લાભો જોઈતા હોય તે પ્રદાન કરતું પ્રીમિયમ પસંદ કરો.

સિનીયર સિટીઝન મેડિકલ ઇન્શ્યોરન્સ પ્લાન પસંદ કરતી વખતે ચોક્કસ ખર્ચ પર સબ-લિમિટ પર ઝીણવટપૂર્વક ધ્યાન આપો અને તમે તેને યોગ્ય પ્રીમિયમ ચૂકવીને તમારા પ્લાનમાં શામેલ કરી શકો છો કે નહીં તે વિશે તપાસ કરો. તમારા પ્લાનમાં સહ-ચુકવણીની કલમ તપાસો, જેના માટે તમારે ક્લેઇમ દરમિયાન તમારા ખર્ચનો એક ભાગ ચૂકવવાનો રહેશે. આ નિયમો અને શરતો તમારી ફાઇનાન્શિયલ ક્ષમતાઓ સાથે અનુરૂપ છે કે નહીં તેની તપાસ કરો.

એવી હેલ્થ ઇન્શ્યોરન્સ કંપની પસંદ કરો, જેની પાસે હૉસ્પિટલોનું વ્યાપક નેટવર્ક હોય જ્યાં ઇમરજન્સીના સમયે તમે કૅશલેસ હૉસ્પિટલાઇઝેશનનો લાભ લઈ શકો. એચડીએફસી અર્ગો ખાતે અમારી પાસે સમગ્ર ભારતમાં 12000+ નેટવર્ક હૉસ્પિટલોનું વિશાળ નેટવર્ક છે. તમારી ઇન્શ્યોરન્સ કંપનીની નેટવર્ક હૉસ્પિટલોની સૂચિમાં તપાસો કે તમારા વિસ્તારની સારી હૉસ્પિટલ તે સૂચિમાં છે કે નહીં.

એવો સિનીયર સિટીઝન હેલ્થ ઇન્શ્યોરન્સ પ્લાન શોધો કે જે તમારી પહેલાંથી હાજર બીમારીઓને કવર કરે અથવા તેમાં ક્લેઇમ કરવા માટેનો વેટિંગ પીરિયડ ઓછામાં ઓછો હોય. પહેલાંથી હાજર બીમારીઓની સારવાર ખર્ચાળ હોઈ શકે છે અને તે માટે લાંબા ગાળાની સંભાળ તેમજ ધ્યાન રાખવું પડે છે. સુનિશ્ચિત કરો કે તમારો પ્લાન તમને સારવાર, નિદાન ખર્ચ અને અન્ય અતિરિક્ત ખર્ચ માટે કવર કરે.

સિનીયર સિટીઝન હેલ્થ ઇન્શ્યોરન્સ પ્લાન 60 થી વધુ ઉંમરના લોકોને નાણાંકીય સુરક્ષા પ્રદાન કરવા માટે ડિઝાઇન કરવામાં આવ્યા છે, કારણ કે મોટાભાગના હેલ્થ ઇન્શ્યોરન્સ પ્લાનમાં ઉંમર મર્યાદા હોય છે. તેથી, તમારો પ્લાન ઉંમરના પ્રતિબંધો વિના રિન્યૂઅલની ખાતરી આપે છે અને લાંબા સમય સુધી મનની શાંતિ પ્રદાન કરે છે તે તપાસી લો. જો કોઈ પૉલિસી રિન્યૂ કરી શકાતી ના હોય, ખાસ કરીને 60 વર્ષ પછી, તો તે વરિષ્ઠ નાગરિક માટે યોગ્ય પ્લાન નથી.

સીનિયર સિટીઝન હેલ્થ પૉલિસી ખરીદતી વખતે ક્લેઇમ સેટલમેન્ટ રેશિયો અને ક્લેઇમ સેટલ કરવા માટે ઇન્શ્યોરન્સ કંપની દ્વારા લેવામાં આવતા સમયને પણ ધ્યાનમાં લેવો જોઈએ. જો ઇન્શ્યોરન્સ કંપનીનો ક્લેઇમ સેટલમેન્ટનો સમય ઓછો હોય અને ક્લેઇમ સેટલમેન્ટનો રેશિયો વધુ હોય, તો તેનો અર્થ એ છે કે તમારો ક્લેઇમ ઝડપથી સેટલ થવાની શક્યતા વધુ છે.

જેમ તમારી ઉંમર વધતી જાય, તેમ તમારી હેલ્થ કેરની જરૂરિયાતો બદલાઈ શકે છે અને તમારે તમારા પ્લાનમાં કવર કરવામાં ના આવતા હોય તેવા કેટલાક લાભો મેળવવા હોઈ શકે છે. તેથી સિનીયર સિટીઝન મેડિકલ ઇન્શ્યોરન્સ પસંદ કરતી વખતે, સુનિશ્ચિત કરો કે તમારો પ્લાન પોર્ટેબિલિટી સુવિધા વડે કોઈપણ લાભો ગુમાવ્યા વિના નવા ઇન્શ્યોરર પર સ્વિચ કરવાની સુવિધા પ્રદાન કરે.

તમારો સિનીયર સિટીઝન હેલ્થ ઇન્શ્યોરન્સ પ્લાન વ્યાપક કવરેજ આપે તે સુનિશ્ચિત કરવા માટે, તમે તમારી પૉલિસીમાં ઉમેરી શકાતા રાઇડર અને ઍડ-ઑનને જુઓ. આ ઍડ-ઑન અથવા રાઇડરમાં કેટલીક નિદાન સેવાઓ, પ્લાનમાં કવર ના કરેલ ચોક્કસ ગંભીર બીમારીઓ, આકસ્મિક કવર અને અન્ય ઘણું શામેલ હોઈ શકે છે. આ તમામ ઘટકોને કાળજીપૂર્વક પસંદ કરો કારણ કે તે તમારા પ્રીમિયમ પર અસર કરી શકે છે.

મોટાભાગના હેલ્થ ઇન્શ્યોરન્સ પ્લાનમાં આ સુવિધા હોય છે પરંતુ જો તમે વરિષ્ઠ નાગરિકો માટેના હેલ્થ ઇન્શ્યોરન્સમાં રોકાણ કરી રહ્યા હોવ તો આ માટે ધ્યાનપૂર્વક જુઓ. જો તમે કોઈ એક ક્લેઇમ વર્ષમાં કોઈપણ ક્લેઇમ કરતા નથી, તો સમાન પ્રીમિયમ સાથે તમારી આગામી વર્ષની સમ ઇન્શ્યોર્ડમાં વધારો થઈ શકે છે. વરિષ્ઠ લોકો માટે સંચિત રકમ એ એક શ્રેષ્ઠ આર્થિક પીઠબળ તરીકે કાર્ય કરે છે અને બહેતર ક્વૉલિટી કેર સાથે કોઈ સમાધાન કર્યા વિના અવિરત સારવાર સુનિશ્ચિત કરે છે.

દુર્ભાગ્યપૂર્ણ પરિસ્થિતિઓમાં, વૃદ્ધ વ્યક્તિના સ્વાસ્થ્યને લીધે તેમને હૉસ્પિટલમાં દાખલ કરી શકાતા નથી. આવા કિસ્સામાં, ડોમિસિલિયરી હૉસ્પિટલાઇઝેશન કવરેજ ધરાવતા સિનીયર સિટીઝન હેલ્થ ઇન્શ્યોરન્સ પ્લાન દ્વારા યોગ્ય ડૉક્ટરની સલાહ પર ઘરે સારવારના ખર્ચની કાળજી લઈ શકાય છે.

વરિષ્ઠ નાગરિકો માટેનો સૌથી યોગ્ય હેલ્થ ઇન્શ્યોરન્સ પ્લાન એ છે જે પૉલિસીધારકોને વાર્ષિક ધોરણે મફતમાં મેડિકલ ચેક-અપનો લાભ પ્રદાન કરે છે. આ સામાન્ય રીતે અમુક પૉલિસી વર્ષ અથવા દરેક બે/ત્રણ ક્લેઇમ-મુક્ત વર્ષો પછી ઑફર કરવામાં આવે છે. આ સુનિશ્ચિત કરે છે કે જો કોઈ બીમારી અથવા ખામીને વહેલી તકે નિદાન કરવામાં આવે તો જે તે વ્યક્તિને સમયસર મેડિકલ સારવાર પ્રદાન કરી શકાય છે.

વરિષ્ઠ નાગરિકો માટેનો હેલ્થ ઇન્શ્યોરન્સ વરિષ્ઠ લોકોની વિશિષ્ટ સ્વાસ્થ્ય સમસ્યાઓને અનુરૂપ ડિઝાઇન કરવામાં આવ્યો છે. જો કે, અન્ય પૉલિસીઓની જેમ, આમાં પણ બાકાત બાબતો છે. તેથી, શું કવર કરવામાં આવતું નથી તે સમજવા માટે પૉલિસીની બાકાત બાબતોની સમીક્ષા કરો. સામાન્ય બાકાત બાબતોમાં કૉસ્મેટિક સારવાર, પોતાને પહોંચાડેલી ઈજાઓ અને કોઈ પદાર્થના દુરુપયોગ સંબંધિત સારવારનો સમાવેશ થાય છે. બાકાત બાબતોની જાણકારી હોવાથી, ક્લેઇમ કરતી વખતે કોઈપણ અપ્રિય આઘાત ટાળી શકાય.

દવામાં તકનીકી પ્રગતિને કારણે, ક્લેઇમ કરવા માટે 24-કલાકના હૉસ્પિટલાઇઝેશનની જરૂરિયાત વિના ડે-કેર સારવાર દ્વારા ઘણી મેડિકલ પ્રક્રિયાઓ અને શસ્ત્રક્રિયાઓ કરી શકાય છે. તેથી, એવો સિનીયર સિટીઝન મેડિકલ ઇન્શ્યોરન્સ ખરીદવો બહેતર છે, જે ડાયાલિસિસ, કીમોથેરેપી, રેડિયોથેરેપી વગેરે જેવી વિવિધ ડે-કેર પ્રક્રિયાઓને કવર કરે.

વરિષ્ઠ નાગરિકો પાસે જ્ઞાન અને અનુભવ હોઈ શકે છે, છતાં તેમને તેમની પૉલિસી સંબંધિત અમુક બાબતોમાં મદદની જરૂર પડી શકે છે. ભલે તે રિન્યૂઅલ હોય, ક્લેઇમને સેટલ કરવો હોય કે પોતાની પૉલિસી સંબંધિત વિશિષ્ટતાઓની તપાસણી હોય, મજબૂત કસ્ટમર સપોર્ટ તેમના માટે એક વરદાનરૂપ સાબિત થાય છે. એચડીએફસી અર્ગો ખાતે, અમે મૈત્રીપૂર્ણ અને મદદરૂપ કસ્ટમર સપોર્ટ પ્રદાન કરીએ છીએ, જે વરિષ્ઠ નાગરિકોના દરેક પ્રશ્નનું સમાધાન જોશ અને ઉત્સાહ સાથે કરે.