કાર ઇન્શ્યોરન્સ

• પગલું 1: એચડીએફસી અર્ગોની વેબસાઇટની મુલાકાત લો અને કાર ઇન્શ્યોરન્સ પર ક્લિક કરો. પેજની ટોચ પર, તમે બૉક્સમાં વાહન રજિસ્ટ્રેશન નંબર દાખલ કરી શકો છો અને ક્વોટેશન મેળવો પર ક્લિક કરીને આગળ વધી શકો છો. જો તમારી એચડીએફસી અર્ગોની વર્તમાન પૉલિસીની સમયસીમા સમાપ્ત થઈ ગઈ હોય તો તમે કાર નંબર વગર પણ આગળ વધી શકો છો અથવા એચડીએફસી અર્ગો કાર ઇન્શ્યોરન્સ પૉલિસીને રિન્યૂ કરો પર ક્લિક કરી શકો છો.

• પગલું 2: ક્વોટેશન મેળવો અથવા કાર નંબર વગર આગળ વધો પર ક્લિક કર્યા પછી, તમારે તમારી કારનું મેક (નિર્માણ) અને મોડેલ દાખલ કરવું પડશે.

• પગલું 3:તમારે થર્ડ પાર્ટી કાર ઇન્શ્યોરન્સ અને કોમ્પ્રિહેન્સિવ કાર ઇન્શ્યોરન્સ પ્લાન બન્ને માંથી એક પસંદ કરવું આવશ્યક છે

• પગલું 4: તમારી છેલ્લી ઇન્શ્યોરન્સ પૉલિસી વિશેની વિગતો આપો- સમાપ્તિની તારીખ, કમાયેલ નો ક્લેઇમ બોનસ અને કરેલ ક્લેઇમની વિગત. તમારો મોબાઇલ નંબર અને ઇમેઇલ ID દાખલ કરો.

• પગલું 5: હવે તમે તમારું કાર ઇન્શ્યોરન્સ પ્રીમિયમ જોઈ શકો છો. જો તમે કોમ્પ્રિહેન્સિવ પ્લાન પસંદ કર્યો છે, તો તમે ઝીરો ડેપ્રિશિયેશન, ઇમરજન્સી આસિસ્ટન્સ, રિટર્ન ટુ ઇનવૉઇસ અને અન્ય તેના જેવા ઍડ-ઑન પસંદ કરીને તમારા પ્લાનને વધુ કસ્ટમાઇઝ કરી શકો છો.

એચડીએફસી અર્ગોની વેબસાઇટ પર કાર ઇન્શ્યોરન્સ પ્રીમિયમની ગણતરી કરવી સરળ અને સહેલી છે. તમે તમારી સુવિધા માટે અમારા કાર ઇન્શ્યોરન્સ પ્રીમિયમ કૅલ્ક્યૂલેટરનો પણ ઉપયોગ કરી શકો છો.

• 1. ડ્રાઇવિંગ લાઇસન્સ
  ડ્રાઇવિંગ લાઇસન્સ એ કાનૂની ડૉક્યૂમેન્ટ છે જે તમને ભારતીય માર્ગ પર તમારા વાહનને ચલાવવા માટે અધિકૃત કરે છે. વિવિધ RTO (પ્રાદેશિક પરિવહન કાર્યાલય) દ્વારા જારી કરવામાં આવતા વિવિધ પ્રકારના ડ્રાઇવિંગ લાઇસન્સ છે જે ભારતીય માર્ગ પર ટૂ-વ્હીલર, ફોર-વ્હીલર અથવા કોમર્શિયલ વાહન ચલાવવા માટે માન્ય કરે છે. તમારે મૂળભૂત ડ્રાઇવિંગ નિયમો અને ટ્રાફિક નિયમોનું પાલન કરવું પડશે અને માન્ય લાઇસન્સ મેળવવા માટે ડ્રાઇવિંગ ટેસ્ટ પાસ કરવી પડશે

• 2. RTO
   પ્રાદેશિક પરિવહન ઑફિસ અથવા RTO જે એક અધિકૃત સરકારી સંસ્થા છે જે ભારતમાં તમામ વાહનો રજિસ્ટર કરે છે તેમજ ડ્રાઇવિંગ લાઇસન્સ જારી કરે છે. વાસ્તવમાં, RTO ના અધિકારીઓ ભારતમાં ચાલતા તમામ રજિસ્ટર્ડ વાહનોના ડેટાબેઝ અને તમામ માન્ય ડ્રાઇવિંગ લાઇસન્સના રેકોર્ડ જાળવવાની જવાબદારી સંભાળે છે.

• 3. થર્ડ પાર્ટી લાયબિલિટી કવરેજ
   થર્ડ પાર્ટી ઓન્લી મોટર ઇન્શ્યોરન્સ પ્લાન એક એવી ફરજિયાત ઇન્શ્યોરન્સ પૉલિસી છે, જે તમારે ભારતીય રસ્તાઓ પર તમારા વાહનને ચલાવવા માટે જરૂરી છે. આ પ્લાન તમામ એવી કાનૂની જવાબદારીઓ સામે કવરેજ પ્રદાન કરે છે, જે ઇન્શ્યોર્ડ કાર દ્વારા થયેલા કોઈપણ અકસ્માતને કારણે વ્યક્તિ, પ્રોપર્ટી અથવા વાહન જેવા કોઈપણ થર્ડ પાર્ટીને થયેલા નુકસાનથી ઉદ્ભવી શકે છે. કોઈ ત્રાહિત-વ્યક્તિના મૃત્યુ અથવા ઈજા માટે પ્રદાન કરેલ કવરેજ માટે કોઈ લિમિટ નથી. જો કે, થર્ડ-પાર્ટી પ્રોપર્ટી અને વાહનના નુકસાન માટે મહત્તમ ₹7.5 લાખ સુધીની લિમિટ છે. આમ, ભારતીય રસ્તાઓ પર તમારા વાહનને ચલાવવા માટે, થર્ડ પાર્ટી મોટર ઇન્શ્યોરન્સ પૉલિસી ફરજિયાત છે. .

• 4. કોમ્પ્રિહેન્સિવ કવરેજ
   કોમ્પ્રિહેન્સિવ મોટર ઇન્શ્યોરન્સ પ્લાન્સ તમારા પોતાના વાહનના નુકસાન સાથે થર્ડ-પાર્ટીની જવાબદારીઓ માટે કવરેજ પ્રદાન કરે છે. થર્ડ પાર્ટી-ઓન્લી ઇન્શ્યોરન્સ પૉલિસીના બદલે કોમ્પ્રિહેન્સિવ પ્લાન પસંદ કરવું ફરજિયાત નથી, જેથી કોઈપણ આકસ્મિક નુકસાનના કિસ્સામાં તમારા પોતાના વાહનને રિપેર કરવા માટે તમારે અનિચ્છનીય ખર્ચ ન કરવો પડે. આ પ્લાન તમારા વાહનને કોઈપણ કુદરતી આપત્તિ જેમ કે આગ, પૂર વગેરેથી તેમજ તમામ માનવ-નિર્મિત આપત્તિ જેમ કે ચોરી સાથે રોડ અકસ્માતોને કારણે થતા નુકસાન માટે પર્યાપ્ત કવરેજ પ્રદાન કરે છે. આમ, જો તમે તમારા વાહનની સંપૂર્ણ સુરક્ષા ઈચ્છો છો, તો તમારે કોમ્પ્રિહેન્સિવ કાર ઇન્શ્યોરન્સ પ્લાન પસંદ કરવો આવશ્યક છે. વાસ્તવમાં, તમે અતિરિક્ત રાઇડર લાભો પસંદ કરીને પણ પ્લાનનું કવરેજ વધારી શકો છો.

• 5. કાર ઇન્શ્યોરન્સ પ્રીમિયમ
   "આપેલ મુદત માટે તમારા વાહનને ઇન્શ્યોરન્સ આપવા બદલ તમારે ઇન્શ્યોરન્સ કંપનીને ચૂકવવાની રકમને કાર ઇન્શ્યોરન્સ પ્રીમિયમ કહેવામાં આવે છે. આ રકમ અન્ય પાસાઓ સહિત તમારી કારના IDV (ઇન્શ્યોર્ડ ડિક્લેયર્ડ) વેલ્યૂના આધારે નક્કી કરવામાં આવે છે અને તે આપેલ મુદત માટે નિર્ધારિત કરવામાં આવે છે જેના માટે તે આકસ્મિક નુકસાન સામે કવરેજ પ્રદાન કરે છે.
  પ્રીમિયમની રકમ તમારા વાહનના મેક અને મોડેલ, ભૌગોલિક સ્થાન તેમજ કારની ઉંમર જેવા અનેક પરિબળો પર અલગ હોય છે. તે તમારા ડ્રાઇવિંગ અનુભવ અને નો-ક્લેઇમ બોનસની રકમ પર પણ આધારિત છે જે તમે વર્ષોથી એકત્રિત કરેલ હશે. આમ, પ્લાન પસંદ કરતા પહેલાં પ્રીમિયમ અને તેની સાથે સંકળાયેલા લાભોની તપાસ કરવી એ સારો વિચાર છે."

• 6. ઇન્શ્યોર્ડ ડિકલેર્ડ વેલ્યૂ
   IDV અથવા તમારી કારનું ઇન્શ્યોર્ડ ડિક્લેયર્ડ વેલ્યૂ એ તમારા માટે કાર ઇન્શ્યોરન્સ પ્લાન પસંદ કરતા પહેલાં પ્લાનને સમજવા માટેનું એક નોંધપાત્ર પાસું છે. આ એ મહત્તમ રકમ છે જે ઇન્શ્યોરન્સ કંપની અકસ્માત અથવા ચોરીમાં કારના સંપૂર્ણ નુકસાન અથવા ખોટના કિસ્સામાં ક્લેઇમ તરીકે તમને ચૂકવશે. અન્ય તમામ ક્લેઇમની રકમની ગણતરી IDV ના આધારે કરવામાં આવે છે, એટલે કે જ્યારે નુકસાનને કુલ અથવા સંપૂર્ણ નુકસાન માનવામાં આવતું ન હોય ત્યારે IDV ના ટકાવારી તરીકે. કારની IDV દર વર્ષે વાહનના મૂલ્ય સાથે ઘટે છે અને રેગ્યુલેટર દ્વારા પ્રદાન કરેલ સ્ટાન્ડર્ડ ડેપ્રિશિયેશન ટેબલ મુજબ તેમની ગણતરી કરવામાં આવે છે. વર્ષના મધ્યમાં ક્લેઇમના કિસ્સામાં, પૉલિસી વર્ષની શરૂઆતમાં કારની IDV માંથી ડેપ્રિશિયેશનની ગણતરી કરવામાં આવે છે. આમ, તમારા કાર ઇન્શ્યોરન્સ પ્લાનને રિન્યૂ કરતી વખતે IDV ની નોંધ લેવી મહત્વપૂર્ણ છે, જેથી કરીને તે કારના બજાર મૂલ્યની બરાબર હોય.

• 7. કપાતપાત્ર
  મોટર ઇન્શ્યોરન્સમાં, કપાતપાત્ર એ ક્લેઇમની રકમનો એક ભાગ છે જેની ઇન્શ્યોરન્સ લેનાર વ્યક્તિએ ક્લેઇમ સેટલમેન્ટ દરમિયાન ચુકવણી કરવી પડશે. બાકીના ક્લેઇમ રકમની ચુકવણી ઇન્શ્યોરન્સ કંપની કરે છે. તેના બે પ્રકાર છે: સ્વૈચ્છિક અને ફરજિયાત કપાતપાત્ર. ફરજિયાત કપાતપાત્ર એ રકમ છે જે જ્યારે પણ તમે ક્લેઇમ રજિસ્ટર્ડ કરો ત્યારે તમારે ફરજિયાતપણે ચૂકવવી પડશે. બીજી તરફ, સ્વૈચ્છિક કપાતપાત્ર રકમ એ ક્લેઇમની રકમનો ભાગ છે જે ઇન્શ્યોરન્સ લેનાર વ્યક્તિ ક્લેઇમ સેટલમેન્ટ સમયે ઇચ્છાથી ચુકવણી કરવાનું પસંદ કરે છે જેથી કાર ઇન્શ્યોરન્સ રિન્યૂઅલ પ્રીમિયમ પર પૈસા બચાવવી શકાય.

• 8. નો ક્લેઇમ બોનસ
  જો તમે કોઈ ચોક્કસ પૉલિસી વર્ષમાં કોઈપણ ક્લેઇમ ફાઇલ કરતા નથી, તો ઇન્શ્યોરન્સ કંપની નો-ક્લેઇમ બોનસ અથવા NCB ના નામે પ્રીમિયમમાં ડિસ્કાઉન્ટ પ્રદાન કરે છે. આ એક સારા ડ્રાઇવર બનવા બદલ આપવામાં આવેલ ડિસ્કાઉન્ટ છે અને તમારા કાર ઇન્શ્યોરન્સ પ્રીમિયમની ગણતરી કરતી વખતે એક મહત્વપૂર્ણ પરિબળ છે. રિન્યૂઅલ સમયે પૉલિસીધારકને આ રિવૉર્ડ પ્રદાન કરવામાં આવે છે. જો તમે 1 વર્ષ માટે ક્લેઇમ કરતા નથી, તો તમે 20% નો-ક્લેઇમ બોનસ મેળવી શકો છો અને તે સતત 5 ક્લેઇમ-મુક્ત વર્ષોમાં મહત્તમ 50% સુધી જઈ શકે છે. નોંધ કરવાનો મુદ્દો એ છે કે પૉલિસીધારકને, એટલે કે કારના માલિક અને કારને નો-ક્લેઇમ બોનસ પ્રદાન કરવામાં આવે છે. તેથી, જો તમે તમારી કાર વેચવાનું પસંદ કરો છો, તો NCB કારના નવા માલિકને ટ્રાન્સફર કરી શકાતું નથી. પણ તેના બદલે, તમે તમારી જૂની કારના નો-ક્લેઇમ બોનસને તમારી નવી કારમાં ટ્રાન્સફર કરી શકો છો.

• 9. કૅશલેસ ગેરેજ
   કૅશલેસ ગેરેજ એ વાહનના કૅશલેસ ક્લેઇમના સેટલમેન્ટ માટે ઇન્શ્યોરન્સ કંપની સાથે સંકળાયેલ ગેરેજના નેટવર્કમાંનું અધિકૃત ગેરેજ છે. તેથી, જો તમે તમારી કારના રિપેર કાર્ય માટે કૅશલેસ ક્લેઇમનો લાભ લેવા માંગો છો, તો તમારે કૅશલેસ ગેરેજની મુલાકાત લેવાની જરૂર છે. અહીં ઇન્શ્યોરન્સ કંપની દ્વારા સર્વેક્ષણ કરવામાં આવશે અને મંજૂર રિપેર કાર્ય માટેની ચુકવણી સીધી ગેરેજને ચૂકવવામાં આવશે, કપાતપાત્ર અને ક્લેઇમની બિન-અધિકૃત રકમ સિવાય તમારે પોતાના ખિસ્સામાંથી કોઈપણ ચુકવણી કરવી પડશે નહીં. આમ, કૅશલેસ ગેરેજ તમારા પોતાના વાહનમાં કરેલા કોઈપણ રિપેર કાર્ય માટે ક્લેઇમ સેટલમેન્ટને સરળ બનાવે છે.

• 10 ઍડ-ઑન કવર
   ઍડ-ઑન કવર એ અતિરિક્ત લાભો છે જેનો લાભ તમે એકંદર લાભો વધારવા અને કારના કવરેજને વિસ્તૃત કરવા માટે તમારી કોમ્પ્રિહેન્સિવ કાર ઇન્શ્યોરન્સ પૉલિસી સાથે મેળવી શકો છો. તમારી હાલની બેઝ કાર ઇન્શ્યોરન્સ પૉલિસીમાં એકથી વધુ રાઇડર ઉમેરી શકાય છે જેમ કે ઝીરો ડેપ્રિશિયેશન કવરેજ, એન્જિન અને ગિયર-બૉક્સ સુરક્ષા, રિટર્ન ટુ ઇનવૉઇસ, NCB સુરક્ષા, ઇમરજન્સી આસિસ્ટન્સ, કન્ઝ્યુમેબલ કવર, ડાઉનટાઇમ સુરક્ષા, વ્યક્તિગત સામાનનું નુકસાન વગેરે. દરેક રાઇડર માટે, તમારે પ્લાનનું એકંદર કવરેજ વધારવા માટે તમારા બેસ પ્રીમિયમ સાથે અતિરિક્ત પ્રીમિયમ રકમ ચૂકવવું પડે છે. તેથી, તમારે તમારી કાર ઇન્શ્યોરન્સ પૉલિસી ખરીદતી અને રિન્યૂ કરતી વખતે તમારી જરૂરિયાત મુજબ ઍડ-ઑન પસંદ કરવું પડશે.

• 11. પર્સનલ એક્સિડન્ટ કવર
  પર્સનલ એક્સિડન્ટ પૉલિસી એ એક નિશ્ચિત લાભ ધરાવતો ઇન્શ્યોરન્સ પ્લાન છે, જે ઇન્શ્યોરન્સ ધારક વ્યક્તિને આકસ્મિક નુકસાન માટે ચોક્કસ રકમની ચુકવણી કરે છે. IRDAI એ ભારતીય રસ્તાઓ પર વાહનને ચલાવવા માટે ઇન્શ્યોરન્સ લીધેલ કારના તમામ માલિક/ડ્રાઇવર માટે ન્યૂનતમ ₹15 લાખની ફરજિયાત પર્સનલ એક્સિડન્ટ પૉલિસી હોવી ફરજિયાત કરી છે. તે મૃત્યુ, વિકલાંગતા, અંગવિચ્છેદ તેમજ આકસ્મિક ઈજાઓ સામે કવરેજ પ્રદાન કરે છે. પર્સનલ એક્સિડન્ટ કવરેજ તમારી કાર ઇન્શ્યોરન્સ પૉલિસી સાથે પણ લઈ શકાય છે.