ઈન્ડિવિજ્યુઅલ હેલ્થ ઇન્શ્યોરન્સ પ્લાન

હેલ્થ ઇન્શ્યોરન્સ પોર્ટેબિલિટી ને કારણે, જ્યારે તમે ઇન્શ્યોરન્સ કંપની બદલો છો ત્યારે, નવેસરથી વેટિંગ પિરિયડ લાગુ પડતો નથી. પોર્ટેબિલિટીને કારણે, તમે કોઈપણ લાભ ગુમાવ્યા વિના, સરળતાથી ઇન્શ્યોરન્સ કંપની બદલી શકો છો.

પહેલાંથી હોય તેવી બિમારી એ એક ઈજા અથવા બીમારી છે જેનું નિદાન તમે પૉલિસી ખરીદી તે પહેલા થયેલું હતું. સામાન્ય રીતે, ઇન્શ્યોરર વેટિંગ પિરિયડ બાદ જ પહેલાંથી હોય તેવી બિમારી માટે કવરેજ પ્રદાન કરે છે.

હૉસ્પિટલાઇઝેશન ને લગતા ઘણા ખર્ચ હોય છે. દાખલ થતાં પહેલાં તમારે ડૉક્ટરની સલાહ લેવાની રહે છે અને નિદાન માટેના પરીક્ષણો કરાવવાના રહે છે. હૉસ્પિટલમાંથી રજા મળ્યા બાદ પણ એ જ પ્રોસેસ અનુસરવામાં આવે છે. હૉસ્પિટલાઇઝેશન પહેલાના ખર્ચને પ્રી-હોસ્પિટલાઇઝેશન અને બાદના ખર્ચને પોસ્ટ-હોસ્પિટલાઇઝેશન ખર્ચ તરીકે ઓળખવામાં આવે છે.

હા, ફેમિલી હેલ્થ ઇન્શ્યોરન્સ ખરીદતાં સમયે તબીબી પરીક્ષણ કરાવવાનું જરૂરી હોય છે. જો કે કેટલીક પૉલિસીઓ હેઠળ, જો તમારી ઉંમર ચોક્કસ ઉંમરથી ઓછી હોય તો, પરીક્ષણની જરૂર નથી.

હા, તમે પૉલિસી ખરીદતી વખતે અથવા રિન્યુઅલના સમયે પરિવારના સભ્યોને ઉમેરી શકો છો.`

તમે રિન્યુઅલ સમયે તમારા 90 દિવસથી મોટા અને મહત્તમ 21 વર્ષની ઉંમર ધરાવતા બાળકોનો ફેમિલી હેલ્થ ઇન્શ્યોરન્સમાં સમાવેશ કરી શકો છો.

અરજદારની ઉંમર જેટલી નાની, હેલ્થ ઇન્શ્યોરન્સનું પ્રીમિયમ એટલું ઓછું હોય છે. યુવાવસ્થામાં ઇન્શ્યોરન્સ ખરીદવાથી તમને લાભો પણ વધુ મળે છે.

હા, તમારા પરિવારની જરૂરિયાતોને આધારે તમારી પાસે એકથી વધુ હેલ્થ ઇન્શ્યોરન્સ પૉલિસી હોઈ શકે છે.

વેટિંગ પિરિયડ (પ્રતીક્ષા અવધિ) એ સમયગાળો છે જે દરમિયાન પૉલીસી ધારક ઇન્શ્યોરન્સ પ્રોવાઇડર પાસે કોઈ ચોક્કસ બીમારી માટે અમુક કે તમામ લાભો મેળવવા માટે ક્લેઇમ નોંધાવી શકતા નથી.

ફ્રી લુક પીરિયડ એ સમયગાળો છે જેમાં તમે કોઈપણ દંડ વગર તમારી પૉલિસીને કૅન્સલ કરી શકો છો. સામાન્ય રીતે, અલગ અલગ ઇન્શ્યોરર અનુસાર ફ્રી લુક પીરિયડ 10 દિવસથી 15 દિવસ સુધીનો હોય છે.

ઇન્શ્યોરન્સ કંપનીઓના નેટવર્કમાં ઘણી હૉસ્પિટલો હોય છે. તમે કૅશલેસ સારવાર માત્ર નેટવર્ક હૉસ્પિટલોમાં મેળવી શકો છો. જો તમે નૉન-નેટવર્ક હૉસ્પિટલ પસંદ કરો છો, તો હૉસ્પિટલનું બિલ તમારે ચૂકવવાનું રહેશે અને ત્યાર બાદ તમે ઇન્શ્યોરર પાસે વળતરનો ક્લેઇમ કરી શકો છો.

જ્યારે ઇન્શ્યોરન્સ લેનાર વ્યક્તિ હૉસ્પિટલમાં ખસેડી શકાય તેવી સ્થિતિમાં ન હોય અથવા હોસ્પિટલમાં રૂમની ઉપલબ્ધતા ન હોવાને કારણે ઘરે સારવાર લેવામાં આવે, તો તેને ડોમિસિલરી હૉસ્પિટલાઇઝેશન કહેવામાં આવે છે.

હૉસ્પિટલાઇઝેશન પહેલા અને પછીના ખર્ચ, નિદાન માટેના પરીક્ષણો, દવા અને ડૉક્ટરની સલાહના ખર્ચ જેવા ખર્ચાઓ મૂળભૂત હૉસ્પિટલાઇઝેશન હેઠળ આવરી લેવામાં આવે છે.

તમે જેટલી નાની વયે હેલ્થ ઇન્શ્યોરન્સ લો છો તેટલું વધુ સારું છે. તમે 18. વર્ષની ઉંમર બાદ હેલ્થ કવર મેળવી શકો છો. 18 વર્ષથી ઓછી ઉંમરની વ્યક્તિને ફેમીલી હેલ્થ ઇન્શ્યોરન્સ હેઠળ આવરી શકાય છે.

સગીર (માઇનર) વ્યક્તિ વ્યક્તિગત રીતે હેલ્થ ઇન્શ્યોરન્સ ખરીદી શકતી નથી, જો કે, માતા-પિતા ફેમીલી હેલ્થ ઇન્શ્યોરન્સ હેઠળ સગીરને આવરી શકે છે.