ટ્રાવેલ ઇન્શ્યોરન્સ કેનેડા

• અમારી પૉલિસી ખરીદવા માટે અહીં લિંક પર ક્લિક કરો, અથવા એચડીએફસી અર્ગો ટ્રાવેલ ઇન્શ્યોરન્સ વેબપેજની મુલાકાત લો.

• મુસાફરની વિગતો, ગંતવ્ય માહિતી અને મુસાફરીની શરૂઆત અને અંતિમ તારીખો દાખલ કરો.

• અમારા ત્રણ અનુકૂળ વિકલ્પોમાંથી તમારો પસંદગીનો પ્લાન પસંદ કરો.

• તમારી વ્યક્તિગત વિગતો પ્રદાન કરો.

• મુસાફરો વિશે વધારાની વિગતો ભરો અને ઑનલાઇન ચુકવણી પદ્ધતિઓનો ઉપયોગ કરીને ચુકવણી કરવા માટે આગળ વધો.

• હવે બસ આટલું જ બાકી છે - તમારી પૉલિસી તરત ડાઉનલોડ કરો!

કેનેડાની મુલાકાત લેવાનો આદર્શ સમય તમારી પસંદગીઓ અને તમે માણવા ઈચ્છતા અનુભવો પર આધાર રાખે છે. બાહ્ય સાહસિક પ્રવૃત્તિઓના ઈચ્છુક લોકો અને હળવા હવામાન માટે, જૂનથી ઓગસ્ટ સુધીનો ઉનાળો યોગ્ય છે, ખાસ કરીને બ્રિટિશ કોલંબિયા અને આલ્બર્ટા જેવા પ્રદેશોમાં, જ્યાં આનંદપ્રદ તાપમાન અને રમણીય ઉત્સવો માણી શકાય છે. પાનખર, સપ્ટેમ્બરથી નવેમ્બર દરમિયાન કેનેડાના અદ્ભુત પાંદડાના સમૂહો, ખાસ કરીને ઓન્ટારિયો અને ક્યુબેક જેવા સ્થળોએ, જોવાની અનેરી મજા આવે છે.

શિયાળામાં, ડિસેમ્બરથી ફેબ્રુઆરી દરમિયાન શિયાળુ રમતગમતના ઉત્સાહીઓને મજા પડે છે, જ્યારે વિસલર જેવા પ્રખ્યાત રિસોર્ટમાં સ્કીઇંગ અને સ્નોબોર્ડિંગ માટે બરફથી આચ્છાદિત ટેકરીઓ જોવા મળે છે. વસંતમાં, માર્ચથી મે દરમિયાન ફૂલોના ખીલવાની સાથે હળવા હવામાનની અનુભૂતિ થાય છે, જે ફરવા લાયક સ્થળોને ઓછી ભીડમાં માણવા માટે યોગ્ય છે.

આખરે, તમારી ઇચ્છિત પ્રવૃત્તિઓ અને વાતાવરણની પસંદગીઓના આધારે કેનેડાની મુલાકાત લેવાનો શ્રેષ્ઠ સમય નક્કી થાય છે. પછી તે શિયાળામાં નોર્ધન લાઇટ્સ જોવી હોય અથવા ગરમીના મહિનાઓમાં આઉટડોર સાહસનો આનંદ માણવો હોય, કેનેડા વર્ષભર વિવિધ અનુભવ પ્રદાન કરે છે.

કેનેડાની મુલાકાત લેતા પહેલાં શ્રેષ્ઠ સમય, હવામાન, તાપમાન અને અન્ય પરિબળો વિશે વધુ જાણવા માટે. કેનેડાની મુલાકાત લેવા માટેનો શ્રેષ્ઠ સમય વિશેનો અમારો બ્લૉગ વાંચો.

• જાહેર પરિવહન: પરિવહન ખર્ચ પર બચત કરવા માટે ટોરોન્ટો, વેનકૂવર અને મૉન્ટ્રિયલ જેવા મુખ્ય શહેરોમાં કેનેડાની કાર્યક્ષમ જાહેર પરિવહન પ્રણાલીનો ઉપયોગ કરો. ખર્ચ ઘટાડવા માટે આખા દિવસનો પાસ પસંદ કરો અથવા ચાલીને જઇ શકાય તેવા રસ્તા શોધો.

• ઓફ-સીઝનમાં મુસાફરી: સુખદ હવામાન અને આકર્ષણોનો આનંદ માણતી વખતે સસ્તા આવાસ દરો અને ઓછી ભીડ રહે એ માટે બીન સીઝન (વસંત અથવા પાનખર) દરમિયાન મુલાકાત લેવાનું વિચારો.

• મફત આકર્ષણો: અસંખ્ય મફત આકર્ષણોનો લાભ લો, રાષ્ટ્રીય ઉદ્યાનોની મુલાકાત જે દિવસે મફત પ્રવેશ હોય ત્યારે લો, જાહેર જગ્યાઓની મુલાકાત લેવી, જાહેર ઉદ્યાનો અને ખુલ્લાં રમણીય સ્થળો પર ફરવા જવું.

• આવાસની પસંદગીઓ: હોટલની જગ્યાએ બીજું વિચારો, હોસ્ટલ, એરબીએનબી અથવા ગેસ્ટહાઉસ જેવા બજેટ-અનુકુળ વિકલ્પો, ખાસ કરીને ઓછા પ્રવાસી વિસ્તારોમાં પસંદ કરો. વધુમાં પ્રવાસન ખર્ચ ઘટાડવા ઉપનગરોમાં રહેવાનું અને ત્યાંથી શહેરમાં ફરવા આવવાનું પસંદ કરો.

• સ્થાનિક ડાઇનિંગ ટિપ્સ: અપસ્કેલ રેસ્ટોરન્ટને બદલે ફૂડ ટ્રક, ખેડૂતના બજારો અને નાની ખાણીપીણીની દુકાનો શોધીને સસ્તા સ્થાનિક ભોજનનો આનંદ લો. ઉપરાંત, બજેટ-ફ્રેંડલી વિકલ્પો માટે રેસ્ટોરન્ટમાં જમવાના સમય કરતાં વહેલાંની અથવા લંચ ડીલનો વિકલ્પ પસંદ કરો.

• આઉટડોર પ્રવૃત્તિઓ: હાઇકિંગ, સાઇકલિંગ અથવા ગલીઓમાં ફરીને કેનેડાની કુદરતી સુંદરતાને માણો, જે ઘણીવાર ન્યૂનતમ અથવા કોઈ ખર્ચ વગર માણી શકાય છે.

• ડિસ્કાઉન્ટ પાસ: શહેરમાં પ્રવાસીઓ માટેના ખાસ ડિસ્કાઉન્ટવાળા પાસમાં રોકાણ કરો, જેમાં ઘણીવાર ઘણાં સ્થળોના પ્રવેશમાં અને પરિવહનમાં પણ ડિસ્કાઉન્ટ મળે છે. દાખલા તરીકે, ટોરોન્ટો સિટીપાસ અથવા વેનકૂવર એસ્ટ્રેક્શન પાસ, જેના દ્વારા તમે ફીમાં નોંધપાત્ર બચત કરી શકો છો.

• કરન્સી એક્સચેન્જ: કરન્સી એક્સચેન્જ કરતાં પહેલાં, તમારા પૈસા માટે શ્રેષ્ઠ મૂલ્ય મેળવવા માટે બેંકો અથવા વિશેષ કરન્સી એક્સચેન્જ ઑફિસ જેવા વિવિધ સ્થાનો પર દરોની તુલના કરો.

• પાણી અને નાસ્તો: ફરતી વખતે ફરીથી ભરી શકાય તેવી પાણીની બોટલ અને નાસ્તો સાથે રાખો. પ્રવાસી સ્થળોને બદલે સુપરમાર્કેટમાંથી આ વસ્તુઓ ખરીદવાથી આઉટિંગ દરમિયાન પૈસા બચાવવામાં મદદ મળે છે.

• ટ્રાવેલ ઇન્શ્યોરન્સ ડીલ: સ્પર્ધાત્મક કિંમતો પર વ્યાપક કવરેજ શોધવા માટે ભારતમાંથી કેનેડા માટે વિવિધ ટ્રાવેલ ઇન્શ્યોરન્સ જુઓ, જે તમારી મુસાફરી દરમિયાન વધુ ખર્ચ કર્યા વિના આર્થિક સુરક્ષાની ખાતરી કરે છે.

• ટિપિંગ કેનેડામાં પ્રચલિત છે, સામાન્ય રીતે રેસ્ટોરન્ટ, ટેક્સી અને જ્યાં ટિપિંગ સામાન્ય છે ત્યાં અન્ય સેવાઓ માટે બિલના 15-20% ટિપ હોય છે.

• કેનેડિયનો વ્યવસ્થિત કતારને મહત્વ આપે છે અને અપેક્ષા રાખે છે કે વ્યક્તિઓ સાર્વજનિક સ્થળો જેમ કે ટ્રાન્ઝિટ સ્ટેશન પર અથવા બોર્ડિંગ વખતે તેમનો વારો આવવાની રાહ જુએ.

• કેનેડા વિવિધતાને માન આપે છે ; સદ્ભાવનાને પ્રોત્સાહન આપવા માટે વિવિધ સંસ્કૃતિઓ, ધર્મો અને ભાષાઓનો આદર કરવો મહત્વપૂર્ણ છે.

• "કૃપા કરીને" અને "આભાર" કેનેડિયન શિષ્ટાચારમાં બહુ મહત્વના શબ્દો છે. વાતચીતમાં વિનમ્ર અને વિનયી બનવું ખૂબજ મહત્વનું છે.

• કેનેડિયન સામાજિક અને વ્યવસાયિક બંને જગ્યાએ સમયસર રહેવામાં માને છે, તેથી મુલાકાતો અથવા મીટિંગ માટે સમય પર પહોંચવાનું સન્માનજનક માનવામાં આવે છે.

• કેનેડામાં ગાંજો કાયદેસર છે, ત્યારે તેના ઉપયોગ પર નિયમનો છે. મુલાકાતીઓ માટે આ કાયદાઓને સમજવા અને તેનું પાલન કરવું જરૂરી છે.