ನಿಮ್ಮ ಮನೆಗೆ ಭೂಕಂಪ ಇನ್ಶೂರೆನ್ಸ್ ಕವರೇಜ್

ಭೂಕಂಪದಂತಹ ವಿಕೋಪಗಳು, ಯಾವುದೇ ಎಚ್ಚರ ನೀಡದೆ ಎದುರಾಗುತ್ತದೆ, ಸಾವಿರಾರು ಜೀವಗಳನ್ನು ಬಲಿ ತೆಗೆದುಕೊಳ್ಳುತ್ತದೆ ಮತ್ತು ದೊಡ್ಡ ಆಸ್ತಿ ಹಾನಿಗೆ ಕಾರಣವಾಗುತ್ತದೆ. ಮನೆಯನ್ನು ಮರುನಿರ್ಮಿಸುವುದು ಅನೇಕರಿಗೆ ದೊಡ್ಡ ಹಣಕಾಸಿನ ಹೊರೆಯಾಗಬಹುದು. ಎಚ್‌ಡಿಎಫ್‌ಸಿ ಎರ್ಗೋ ಹೋಮ್ ಇನ್ಶೂರೆನ್ಸ್ ಪ್ಲಾನ್‌ಗಳೊಂದಿಗೆ ಅಂತಹ ಅನಿರೀಕ್ಷಿತ ಘಟನೆಗಳಿಂದ ಸುರಕ್ಷಿತವಾಗಿರಿ ಮತ್ತು ನಿಮ್ಮ ಅಗತ್ಯವಿರುವ ಸಮಯದಲ್ಲಿ ನಷ್ಟಗಳಿಂದ ಚೇತರಿಸಿಕೊಳ್ಳಿ.

ಭೂಕಂಪ ಇನ್ಶೂರೆನ್ಸ್ ಎಂದರೇನು?

ಭೂಕಂಪ ಇನ್ಶೂರೆನ್ಸ್ ಎಂಬುದು ಹೋಮ್ ಇನ್ಶೂರೆನ್ಸ್‌ನ ಒಂದು ಭಾಗವಾಗಿದ್ದು, ಭೂಕಂಪದಿಂದಾಗಿ ಉಂಟಾದ ಹಾನಿಗಳಿಂದ ನಿಮ್ಮ ಮನೆ ಅಥವಾ ಆಸ್ತಿಯನ್ನು ಮರುನಿರ್ಮಿಸಲು ನಿಮಗೆ ಸಹಾಯ ಮಾಡಲು ಹಣಕಾಸಿನ ನೆರವು ನೀಡುತ್ತದೆ.
ಅಂಕಿಅಂಶಗಳ ಪ್ರಕಾರ, ಭಾರತೀಯ ಜನಸಂಖ್ಯೆಯ ಸುಮಾರು 60% ಭೂಕಂಪಗಳಿಗೆ ಗುರಿಯಾಗುವ ಪ್ರದೇಶಗಳಲ್ಲಿ ವಾಸಿಸುತ್ತಿದ್ದಾರೆ. ಭೂಕಂಪವು ದೇಶಕ್ಕೆ ಅಪ್ಪಳಿಸಿದಾಗ ಅಂದಾಜು ಮಾಡಲು ಸಾಧ್ಯವಿಲ್ಲದಿದ್ದರೂ, ಹೋಮ್ ಇನ್ಶೂರೆನ್ಸ್ ಭರವಸೆಯೊಂದಿಗೆ ನೀವು ನಿಮ್ಮ ಮನೆಯನ್ನು ಸುರಕ್ಷಿತವಾಗಿರಿಸಿಕೊಳ್ಳಬಹುದು.
ಭೂಕಂಪದ ಸಂದರ್ಭದಲ್ಲಿ, ಆಸ್ತಿಗೆ ಆಗುವ ಹಾನಿಯು ಸಣ್ಣ, ಪ್ರಮುಖ ಅಥವಾ, ಕೆಲವೊಮ್ಮೆ, ದುರಸ್ತಿಗೆ ಮೀರಿದ ರೀತಿಯಲ್ಲಿ ಇರಬಹುದು. ಇದು ನಿಮ್ಮ ಆಸ್ತಿಯ ರಚನೆ ಮತ್ತು ವಸ್ತುಗಳಿಗೆ ಗಣನೀಯ ಹಾನಿಯನ್ನು ಕೂಡ ಉಂಟುಮಾಡಬಹುದು. ಆದ್ದರಿಂದ, ಮನೆಯನ್ನು ಮರುನಿರ್ಮಿಸಲು ಮತ್ತು ಹಾನಿಗೊಳಗಾದ ಬೆಲೆಬಾಳುವ ವಸ್ತುಗಳು ಅಥವಾ ವಸ್ತುಗಳನ್ನು ಹೊಂದುವುದು ಅಪಾರ ಹಣಕಾಸಿನ ಒತ್ತಡವನ್ನು ಉಂಟುಮಾಡುತ್ತದೆ. ಭೂಕಂಪದ ಇನ್ಶೂರೆನ್ಸ್, ಅಂತಹ ಸಮಯದಲ್ಲಿ, ರಚನೆಯನ್ನು ಮರುನಿರ್ಮಿಸಲು ಮತ್ತು ಅದರ ವಸ್ತುಗಳ ನಷ್ಟಗಳಿಗೆ ಮರುಪಾವತಿಸಲು ಹಣಕಾಸಿನ ನೆರವಿನ ಸಹಾಯ ಮಾಡುತ್ತದೆ.

ಭೂಕಂಪಕ್ಕೆ ಕಾರಣಗಳು

ಭೂಮಿಯ ಕೇಂದ್ರಭಾಗದಲ್ಲಿರುವ ಟೆಕ್ಟಾನಿಕ್ ಪ್ಲೇಟ್‌ಗಳಲ್ಲಿ ದೋಷ ಕಾಣಿಸಿಕೊಂಡು, ಅಲ್ಲಿ ಸೃಷ್ಟಿಯಾದ ಒತ್ತಡ ಹಠಾತ್ತಾಗಿ ಬಿಡುಗಡೆ ಆಗುವುದರಿಂದ ಭೂಕಂಪ ಉಂಟಾಗುತ್ತದೆ. ಟೆಕ್ಟಾನಿಕ್ ಪ್ಲೇಟ್‌ಗಳ ಚಲನೆಯಿಂದಾಗಿ ಈ ಒತ್ತಡವು ಕ್ರೋಢೀಕೃತವಾಗಿ, ಚಲನೆಯಲ್ಲಿ ಹಠಾತ್ ಏರುಪೇರು ಉಂಟಾಗಿ ಭೂಕಂಪ ಸೃಷ್ಟಿಯಾಗುತ್ತದೆ. ದೇಶದ ಈಶಾನ್ಯ ಭಾಗ ಮತ್ತು ಸಂಪೂರ್ಣ ಹಿಮಾಲಯ ಭೂಪ್ರದೇಶದಲ್ಲಿ 8.0 ಕ್ಕಿಂತ ಹೆಚ್ಚಿನ ತೀವ್ರತೆಯ ಭೂಕಂಪ ಕಾಣಿಸಿಕೊಳ್ಳುವ ಸಾಧ್ಯತೆ ಇದೆ. ಈ ಪ್ರದೇಶಗಳಲ್ಲಿ ಭೂಕಂಪಕ್ಕೆ ಮುಖ್ಯ ಕಾರಣವೆಂದರೆ, ಭಾರತೀಯ ಟೆಕ್ಟಾನಿಕ್ ಪ್ಲೇಟ್‌ಗಳು ಪ್ರತಿ ವರ್ಷ ಸುಮಾರು 50 mm ದರದಲ್ಲಿ ಯುರೇಶಿಯನ್ ಪ್ಲೇಟ್‌ಗಳ ಕಡೆಗೆ ಚಲಿಸುತ್ತಿವೆ

ಹಿಮಾಲಯ ಮತ್ತು ಇಂಡೋ-ಗ್ಯಾಂಗೆಟಿಕ್ ಬಯಲು ಮಾತ್ರವಲ್ಲದೆ, ಭಾರತದ ಪರ್ಯಾಯ ದ್ವೀಪಗಳೂ ಭೂಕಂಪಕ್ಕೆ ತುತ್ತಾಗುವ ಸಾಧ್ಯತೆ ಇದೆ. ಐತಿಹಾಸಿಕ ವರದಿಗಳ ಪ್ರಕಾರ, ಭಾರತದ 50% ಕ್ಕಿಂತ ಹೆಚ್ಚು ಪ್ರದೇಶಗಳು ಅಪಾಯಕಾರಿ ಭೂಕಂಪಗಳಿಗೆ ತುತ್ತಾಗುವ ಸಾಧ್ಯತೆ ಹೊಂದಿವೆ. ರಿಕ್ಟರ್ ಸ್ಕೇಲ್‌ನಲ್ಲಿ 6.0 ಕ್ಕಿಂತ ಹೆಚ್ಚಿನ ತೀವ್ರತೆಯನ್ನು ಹೊಂದಿರುವ ಭೂಕಂಪವನ್ನು ತೀವ್ರ ಎಂದು ಪರಿಗಣಿಸಲಾಗುತ್ತದೆ, ಇದು ಭಾರಿ ಪ್ರಮಾಣದ ಜೀವಹಾನಿ ಮತ್ತು ಆಸ್ತಿಹಾನಿ ಮಾಡಬಲ್ಲದು.