ನಿಮ್ಮ ಮನೆಗೆ ಫ್ಲಡ್ ಇನ್ಶೂರೆನ್ಸ್ ಕವರೇಜ್

ಪರಿಸರದ ಬಗ್ಗೆ ಮನುಷ್ಯ ತೋರುತ್ತಿರುವ ಗೌರವದ ಕೊರತೆಯಿಂದಾಗಿ, ನೈಸರ್ಗಿಕ ವಿಕೋಪಗಳು ಪದೇಪದೇ ಕಾಣಿಸಿಕೊಳ್ಳುತ್ತಿರುವುದು ಮಾತ್ರವಲ್ಲ, ತುಂಬಾ ಭೀಕರ ಪರಿಣಾಮವನ್ನೂ ಬೀರುತ್ತಿವೆ. ಅದರಲ್ಲೂ, ಭೌಗೋಳಿಕ ವೈವಿಧ್ಯತೆಗೆ ಹೆಸರಾಗಿರುವ ಭಾರತದಲ್ಲಿ, ಕೆಲವೊಂದು ಪ್ರದೇಶಗಳು ಒಂದಲ್ಲಾ ಒಂದು ನೈಸರ್ಗಿಕ ವಿಪತ್ತುಗಳ ಅಪಾಯ ಎದುರಿಸುತ್ತಲೇ ಇರುತ್ತವೆ. ಪರ್ವತ ಪ್ರದೇಶಗಳಲ್ಲಿ ಹಿಮಪಾತ ಮತ್ತು ಭೂಕುಸಿತದ ಸಮಸ್ಯೆಯಾದರೆ, ಕರಾವಳಿ ಪ್ರದೇಶಗಳಲ್ಲಿ ಸುನಾಮಿ ಮತ್ತು ಸೈಕ್ಲೋನ್‌ಗಳ ಹಾವಳಿ ಹೇಳತೀರದು. ಮಳೆಗಾಲ ಬಂದರೆ ಸಾಕು, ನದಿಗಳಲ್ಲಿ ನೀರಿನ ಮಟ್ಟ ಏರಿಕೆಯಾಗಿ, ಭಾರತದ ಬಹುತೇಕ ರಾಜ್ಯಗಳು ಪ್ರವಾಹದಿಂದ ಬಳಲುತ್ತವೆ.

ಪ್ರವಾಹಗಳು ಜನಜೀವನವನ್ನು ಅಸ್ತವ್ಯಸ್ತ ಮಾಡಬಹುದು. ರಸ್ತೆ, ಬೆಳೆ ಮತ್ತು ಚರಂಡಿ ವ್ಯವಸ್ಥೆಗಳ ಹಾನಿಯ ಜೊತೆಗೆ, ಇದು ನಿಮ್ಮ ಮನೆ ಮತ್ತು ವಸ್ತುಗಳನ್ನು ಕೂಡ ಹಾನಿಗೊಳಿಸಬಹುದು. ಆದಾಗ್ಯೂ, ನಿಮ್ಮಲ್ಲಿ ಫ್ಲಡ್ ಇನ್ಶೂರೆನ್ಸ್ ಇದ್ದರೆ, (ಇದು ಸಾಮಾನ್ಯವಾಗಿ ಸಮಗ್ರ ಹೋಮ್ ಇನ್ಶೂರೆನ್ಸ್‌ನ ಭಾಗವಾಗಿರುತ್ತದೆ) ನೀವು ಪ್ರವಾಹದ ಬಗ್ಗೆ ಚಿಂತಿಸಬೇಕಾಗಿಲ್ಲ. ಅಂತಹ ಸಂದರ್ಭದಲ್ಲಿ ಬಹುತೇಕ ದುರಸ್ತಿ ವೆಚ್ಚಗಳನ್ನು ಮರುಪಾವತಿ ಮಾಡಲಾಗುತ್ತದೆ. ಫ್ಲಡ್ ಇನ್ಶೂರೆನ್ಸ್ ಬಗ್ಗೆ ಇಲ್ಲಿ ಇನ್ನಷ್ಟು ತಿಳಿಯಿರಿ.