ಟೂ ವೀಲರ್ ಇನ್ಶೂರೆನ್ಸ್ ನವೀಕರಣ

ಎಲ್ಲಾ ಟೂ ವೀಲರ್ ಚಾಲಕರು ಸದಾಕಾಲ ಟೂ ವೀಲರ್ ಇನ್ಶೂರೆನ್ಸ್ ಪಾಲಿಸಿ ಹೊಂದಿರತಕ್ಕದ್ದು ಕಾನೂನಿನ ಪ್ರಕಾರ ಕಡ್ಡಾಯವಾಗಿದೆ.. ನಿಮ್ಮ ಇನ್ಶೂರೆನ್ಸ್ ನವೀಕರಿಸದೇ ಇರುವುದು ಒಂದು ದುಬಾರಿ ತಪ್ಪಾಗಬಲ್ಲದು. ಆಕ್ಸಿಡೆಂಟ್ ಸಂದರ್ಭದಲ್ಲಿ ನಿಮ್ಮ ಬಳಿ ಮಾನ್ಯವಾದ ಟೂ ವೀಲರ್ ಇನ್ಶೂರೆನ್ಸ್ ಇಲ್ಲದಿದ್ದರೆ, ಥರ್ಡ್ ಪಾರ್ಟಿಗೆ ಆದ ಯಾವುದೇ ಶಾರೀರಿಕ ಗಾಯ ಅಥವಾ ಯಾವುದೇ ಆಸ್ತಿಹಾನಿಗೆ ಸಂಬಂಧಿಸಿದ ವೆಚ್ಚಗಳನ್ನು ನೀವು ನಿಮ್ಮ ಜೇಬಿನಿಂದ ಥರ್ಡ್ ಪಾರ್ಟಿಗೆ ಪಾವತಿಸಬೇಕಾಗುತ್ತದೆ. ಇನ್ಶೂರೆನ್ಸ್ ಪ್ಲಾನ್‌ಗಳನ್ನು ಆನ್ಲೈನ್‌ನಲ್ಲಿ ನವೀಕರಿಸುವ ಸೌಲಭ್ಯದಿಂದಾಗಿ, ಗಡುವು ದಿನಾಂಕಕ್ಕಿಂತ ಮುಂಚೆ ನಿಮ್ಮ ಪಾಲಿಸಿಯನ್ನು ನವೀಕರಿಸುವುದು ಇನ್ನಷ್ಟು ಅನುಕೂಲಕರ ಮತ್ತು ಸುಲಭವಾಗಿದೆ.

• ದಯವಿಟ್ಟು ಗಮನಿಸಿ: ಇತ್ತೀಚೆಗೆ ಜಾರಿಯಾದ ಮೋಟಾರ್ ವಾಹನಗಳ (ತಿದ್ದುಪಡಿ) ಕಾಯಿದೆ 2019 ರ ಪ್ರಕಾರ, ಇನ್ಶೂರೆನ್ಸ್ ಮಾಡಿಸದ ಟೂ ವೀಲರ್ ಓಡಿಸಿದರೆ, ನಿಮಗೆ ₹ 2,000 ದಂಡ ಅಥವಾ 3 ತಿಂಗಳ ಜೈಲುಶಿಕ್ಷೆ ವಿಧಿಸಲಾಗುತ್ತದೆ.
• ಟೂ ವೀಲರ್ ಇನ್ಶೂರೆನ್ಸ್ ಪ್ಲಾನ್‌ಗಳನ್ನು ಆನ್ಲೈನ್‌ನಲ್ಲಿ ಸುಲಭವಾಗಿ ನವೀಕರಿಸಬಹುದು, ಇದರಿಂದ ನಿಮ್ಮ ಸಮಯ ಮತ್ತು ಶ್ರಮ ಉಳಿಯುತ್ತದೆ.
• ನೀವು ಯಾವಾಗಲೂ ನಿಮ್ಮ ಇನ್ಶೂರೆನ್ಸ್ ಪಾಲಿಸಿಯನ್ನು ಗಡುವಿನ ದಿನಾಂಕಕ್ಕಿಂತ ಮೊದಲೇ ನವೀಕರಿಸಲು ಪ್ರಯತ್ನಿಸಬೇಕು, ಒಂದು ವೇಳೆ ನೀವು ಪಾಲಿಸಿಯನ್ನು ನವೀಕರಿಸಲು ವಿಫಲವಾದರೆ, ಅದು ಲ್ಯಾಪ್ಸ್ ಆಗುತ್ತದೆ ಮತ್ತು ಈ ಅವಧಿಯಲ್ಲಿ ಮಾಡಲಾದ ಯಾವುದೇ ಕ್ಲೈಮ್‌ಗಳನ್ನು ವಿಮಾದಾತರು ತಿರಸ್ಕರಿಸುತ್ತಾರೆ.
• ಟೂ ವೀಲರ್ ಇನ್ಶೂರೆನ್ಸ್ ಪಾಲಿಸಿಯು 90 ದಿನಗಳಿಗಿಂತ ಹೆಚ್ಚು ಕಾಲ ಲ್ಯಾಪ್ಸ್ ಆದ ಸ್ಥಿತಿಯಲ್ಲಿದ್ದರೆ ನೀವು ನಿಮ್ಮ ನೋ ಕ್ಲೈಮ್ ಬೋನಸ್ ಕಳೆದುಕೊಳ್ಳುತ್ತೀರಿ.